Ni 23.02.2023 Zirtawpni khan Dr. Keneth Chawngliana, Govt. Hrangbana College founder Principal & Planning Board Vice Chairman chuan a College lo bul\an Govt. Hrangbana College chu a tlawh a. Principal leh staff ten an lo lawmin hun \ha tak an hmang ho.
Planning Board Vice Chairman, Dr. Keneth Chawngliana hian Khuallian niin College chhunga Room siamthar pahnih Committee Room changtlung tak leh Aizawl Smart City project hmanga “New Age Learning Centre” te a hawng a. Heng room te he College hmasawnna atana room pawimawh tak an ni.
Thu sawiin Dr. Keneth Chawngliana, Planing Board Vice Chairman chuan hmasawnna tura thawhrim a pawimawh zia a sawi a. India ram leh khawvel huap pawha inelna hmachhawn thei turin Mizo te kan inbuatsaih a ngaih thu a sawi a. Thiamna tak tak nei tur zirlaite chhertu an nih hre rengin College Teacherte chu an zirlaite kaihruai turin a fuihin zirlaiten an ngaihsan theih tura nun hmang turin a fuih bawk. Dr. Keneth Chawngliana chuan \awng thuah English chu International a nih avangin a pawimawh reng a. Kan ram India tawng lar Hindi tawng thiam tura inzirtir te, foreign language dangte pawh thiam a pawimawh thu a sawi bawk.
Dr. Keneth Chawngliana chuan Hrangbana College dintirh laia hming tum tur an zawn nasat thu te, Aizawl hmarlam side a College din pawimawh an tih thu te, chumi atana zirna ngaipawh Pu Hrangbana, Chanmari chuan pawisa \hahnem tak a thawh avanga College an din theih tak thu te ngaihnawm takin a sawi. Dr Keneth Chawngliana hian Govt. Hrangbana College chhungkuaah a in dah hrang lova, a theihna zawnah chuan College tana \ha tura thawh a inhuam thu a sawi bawk.
Meeting room leh New Age Learning Centre te hawn zawhah Dr. Keneth Chawngliana, Founder Principal leh College Staff te hian Quality Enhancement Programme an hmang zui a, fuihna leh inkawm hona hun \ha tak an hmang a. Vice Principal - in lawmthu sawiin hun an khar.
Hrangbana College hi kum 1980 ah zirlai 200 vel chauh nei a din a ni a. Hmasawnna ropui tak neiin Mizorama College langsar pawl tak a lo ni ta a. Library \ha ve tawk tak lehkhabu 31881 an nei a, Journal engemaw zat an la bawkin Mizorama College Library Computerised hmasa ber leh RFID hmang hmasa ber an ni.
